The Finland Phenomenon: Inside the World's Most Surprising School System (O fenómeno finlandés: O sistema escolar máis asombroso do mundo) é un documental de 60 minutos que describe por que Finlandia posúe un sistema educativo que foi situado por máis dunha década como entre os mellores do mundo. É un sistema educativo moi diferente ao do resto de países, e o seu éxito rotundo levounos a gañar premios en todos os ámbitos. Os alumnos estudan menos, teñen menos tarefas, en tanto que os profesores reciben un soldo competitivo e atópanse totalmente implicados no seu traballo. Por que Finlandia? Bob Compton, creador do documental, xunto ao investigador de Harvard, o doutor Tony Wagner, decidiu pescudalo. Os resultados consignáronse neste filme. Wagner, educador desde sempre e autor do bestseller "The Global Achievement Gap" (A brecha de logros mundial), lévanos ao interior deste sistema nestes 60 minutos, pois está máis que suficientemente cualificado para explorar e explicar o éxito finlandés. Desde o salón de clases e a través de entrevistas con estudantes, profesores, pais, administrativos, directores e funcionarios do goberno, Wagner revélanos os factores que levaron a Finlandia a posuír o sistema educativo catalogado como número uno no mundo.
Programa Salvados de Jordi Évole (lasexta.com)
No hay comentarios:
Publicar un comentario